தள்ளிப்போனது பிச்சைக்காரன் 2: ரிலீஸ் ஆகிறது ‘தமிழரசன்’

சசி, இயக்கத்தில் விஜய் ஆண்டனி நடிப்பில் கடந்த 2016-ம் ஆண்டு வெளியான படம், ‘பிச்சைக்காரன்’. ரசிகர்களிடையே வரவேற்பைப் பெற்ற இந்தப் படத்தின் இரண்டாம் பாகம் உருவாகியுள்ளது. இதில் ஹீரோவாக நடித்து படத்தை இயக்குகிறார் விஜய் ஆண்டனி.

இதன் பாடல் காட்சி படப்பிடிப்பு மலேசியாவில் நடந்தபோது விஜய் ஆண்டனிக்கு விபத்து ஏற்பட்டு மருத்துவமனையில் அனுமதிக்கப்பட்டார். இப்போது குணமடைந்துள்ளார்.

‘பிச்சைக்காரன் 2’ படம் வரும் 14ம் தேதி ரிலீஸ் ஆகும் என்று அவர் அறிவித்திருந்தார். ஆனால், அதன் வெளியீடு தள்ளிப் போயிருக்கிறது. அந்தப் படம் மே 19-ம் தேதி ரிலீஸ் ஆகிறது. இந்தநிலையில் அவர் நடித்துள்ள ‘தமிழரசன்’ படம் வரும் 14-ம் தேதி வெளியாக இருக்கிறது.

பாபு யோகேஸ்வரன் இயக்கியுள்ள இந்தப் படத்தில் ரம்யா நம்பீசன், சுரேஷ் கோபி, சோனு சூட் உட்பட பலர் நடித்துள்ளனர். இளையராஜா இசையமைத்துள்ளார்.