மகளிர் மட்டும் படக்குழுவினருக்கு பாலபாரதி எம்.எல்.ஏ பாராட்டு

ஜோதிகா நடிப்பில் வெளியாகியிருக்கும் 'மகளிர் மட்டும்' படத்துக்கு பாலபாரதி எம்.எல்.ஏ தனது பாராட்டைத் தெரிவித்திருக்கிறார்.

பிரம்மா இயக்கத்தில் ஜோதிகா, சரண்யா பொன்வண்ணன், ஊர்வசி, பானுப்ரியா, நாசர் உள்ளிட்ட பலர் நடிப்பில் வெளியாகியிருக்கும் படம் 'மகளிர் மட்டும்'. சூர்யா தயாரித்திருந்தார். செப்டம்பர் 14-ம் தேதி வெளியான இப்படம் விமர்சன ரீதியில் பெரும் வரவேற்பைப் பெற்றிருக்கிறது.

இப்படம் குறித்து பாலபாரதி எம்.எல்.ஏ கூறியிருப்பதாவது:

யார் அந்த பிரம்மா? 'மகளிர் மட்டும்' மிக அருமை. மிகவும் அருமை.. ! பாராட்டுகள்.வாழ்த்துகள். பெண்கள் மகிழ்ச்சியோடு ’மகளிர் மட்டும்’ படத்தை திரையரங்கில் ரசித்தார்கள். நானும் அவ்வாறே.

பல ஆண்டுகள் பேசியும் யாருக்கும் புரியவில்லையே என நினைத்திருந்த பெண்ணியகருத்தை மிகுந்த எதார்த்தத்தோடு சித்தரித்திருந்தீர்கள். நல்ல கருத்தோடு நல்ல படம். பாராட்டுக்களும் வாழ்த்துக்களும்

இவ்வாறு பாலபாரதி தெரிவித்திருக்கிறார்.

மேலும், இப்படத்தை விளம்பரப்படுத்தும் பொருட்டு அனைத்து திரையரங்குகளிலும் ஒவ்வொரு காட்சிக்கும் வரும் பெண்களில், ஒரு பெண்ணைத் தேர்வு செய்து ஒரு பட்டுப்புடவையை இலவசமாக படக்குழு கொடுத்து வருகிறது.