தமிழகம் முழுவதும் 800 திரையரங்குகளில் வெளியாகும் ‘தி லெஜண்ட்’ 

லெஜண்ட் சரவணன் நடிக்கும் 'தி லெஜண்ட்' படத்தை தமிழகம் எங்கும் 800-க்கும் அதிகமான திரையரங்குகளில் கோபுரம் சினிமாஸ் சார்பாக அன்புச்செழியன் வெளியிடுகிறார்.

லெஜண்ட் சரவணன் முதல் முறையாக தயாரித்து நாயகனாக அறிமுகமாகும் படம் 'தி லெஜண்ட்'. ஜேடி-ஜெர்ரி இயக்கும் இப்படத்திற்கு ஹாரிஸ் ஜெயராஜ் இசையமைத்துள்ளார். அண்மையில் வெளியான இப்படத்தின் ட்ரெய்லர் 29 மில்லியன் பார்வைகளை கடந்துள்ளது.

தமிழ், தெலுங்கு, ஹிந்தி, மலையாளம் மற்றும் கன்னடம் ஆகிய 5 மொழிகளில் பான் இந்தியா முறையில் உருவாகியுள்ள இப்படம் ஜூலை 28 அன்று திரையரங்குகளில் வெளியாக உள்ளது. மறைந்த நடிகர் விவேக் கடைசியாக இப்படத்தில் நடித்திருந்தார்.

இந்நிலையில், தமிழகத்தில் 800-க்கும் அதிகமான திரையரங்குகளில் வெளியாகும் இப்படத்தை கோபுரம் சினிமாஸின் அன்புச்செழியன் வெளியிடுகிறார்.