U/A சான்றிதழ் தான் : பிரியாணிக்கு கெடுபிடி

'பிரியாணி' படத்திற்கு U சான்றிதழ் அளிக்க முடியாது என்று REVISING COMMITEE தெரிவித்துள்ளது.

கார்த்தி, ஹன்சிகா, பிரேம்ஜி நடிக்க, வெங்கட்பிரபு இயக்கியுள்ள படம் 'பிரியாணி'. யுவன் இசையமைக்க, ஸ்டூடியோ க்ரீன் நிறுவனம் தயாரித்திருக்கிறது.

இப்படத்தினைப் பார்த்த சென்சார் அதிகாரிகள் U/A சான்றிதழ் அளித்தனர். தற்போது படக்குழு, U சான்றிதழ் வாங்க REVISING COMMITEE-க்கு சென்றது.

அப்படத்தினை பார்த்த மறுஆய்வு குழு, "படத்தில் ADULT CONTENT இருக்கிறது. U சான்றிதழுக்கு வாய்ப்பில்லை" என்று மறுத்துவிட்டார்கள். இதனால் அதிர்ச்சியில் இருக்கிறது படக்குழு. காரணம், U/A சான்றிதழ் என்றால் தமிழக அரசிடம் இருந்து வரிவிலக்கு கிடைக்காது. டிசம்பர் 20ம் தேதி இப்படம் வெளியாகிறது.