‘தளபதி 62’ லேட்டஸ்ட் அப்டேட்: வரலட்சுமி ஒப்பந்தம்

விஜய் நடிப்பில் ஏ.ஆர்.முருகதாஸ் இயக்கிவரும் புதிய படத்தில் வரலட்சுமி சரத்குமார் நடிப்பதாக அறிவிப்பு வெளியாகி இருக்கிறது.

விஜய் - ஏ.ஆர்.முருகதாஸ் கூட்டணியில் மூன்றாவது முறையாக ஒரு படம் உருவாகி வருகிறது. இன்னும் தலைப்பு வைக்காத இந்தப் படம் தற்போது ‘தளபதி 62’ என்று அழைக்கப்பட்டு வருகிறது. சன் பிக்சர்ஸ் நிறுவனம் தயாரிக்கிறது.

விஜய் ஜோடியாக கீர்த்தி சுரேஷ் நடிக்கும் இந்தப் படத்தில், வரலட்சுமி சரத்குமார் நடிப்பதாக சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது. இதுதான் விஜய்யுடன் இணைந்து வரலட்சுமி சரத்குமார் நடிக்கும் முதல் படம். மேலும், ராதாரவி மற்றும் யோகி பாபு ஆகியோரும் நடிப்பதாகவும் அறிவித்துள்ளது.

கிழக்கு கடற்கரை சாலை மற்றும் கொல்கத்தாவைத் தொடர்ந்து தற்போது சென்னையில் படப்பிடிப்பு நடைபெற்று வருகிறது. வருகிற தீபாவளிக்கு இந்தப் படம் ரிலீஸாவதாக அறிவிக்கப்பட்டுள்ளது.