தமிழக அரசியலின் பீஷ்மர், பிதாமகர் கருணாநிதி: அல்லு அர்ஜுன் புகழாஞ்சலி

தமிழக அரசியலின் பீஷ்மர், பிதாமகர் கருணாநிதி என்று அல்லு அர்ஜுன் புகழாஞ்சலி செலுத்தியுள்ளார்.

இந்தியாவின் மிக மூத்த அரசியல் தலைவர்களில் ஒருவரும், முன்னாள் முதல்வரும், திமுக தலைவருமான கருணாநிதி உடல் நலக் குறைவால் இன்று காலமானார். அவருக்கு வயது 95. ஆகஸ்ட் 7-ம் தேதி மாலை 6.10 மணிக்கு கருணாநிதியின் உயிர் பிரிந்தது.

கருணாநிதியின் மறைவு குறித்து அல்லு அர்ஜுன் தனது ட்விட்டர் பக்கத்தில், “திராவிட முன்னேற்றக் கழகத்தின் தலைவர். 5 முறை முதல்வர். 60 வருட அரசியல் வாழ்க்கை, தமிழக அரசியலின் பீஷ்மர், பிதாமகர். திராவிடர்களின் பெருமை. அவரது குடும்பம், தொண்டர்கள் மற்றும் ஒவ்வொரு தமிழருக்கும் என் அனுதாபங்கள். அவரது ஆன்மா சாந்தியடையட்டும்” என்று அல்லு அர்ஜுன் தெரிவித்திருக்கிறார்.