‘சர்கார்’ அப்டேட்: அனைத்து பாடல்களையும் எழுதியிருக்கும் விவேக்

விஜய் நடிப்பில் உருவாகிவரும் ’சர்கார்’ படத்தில் அனைத்துப் பாடல்களையும் எழுதியிருக்கிறார் பாடலாசிரியர் விவேக்.

ஏ.ஆர்.முருகதாஸ் இயக்கத்தில் விஜய், கீர்த்தி சுரேஷ், பழ.கருப்பையா, யோகி பாபு, வரலட்சுமி உள்ளிட்ட பலர் நடிப்பில் உருவாகி வரும் படம் ‘சர்கார்’. சன் பிக்சர்ஸ் நிறுவனம் பெரும் பொருட்செலவில் தயாரித்து வருகிறது. தீபாவளி வெளியீடாக திரைக்கு வரவுள்ளது.

இப்படத்திற்கு ஏ.ஆர்.ரஹ்மான் இசையமைத்து வருகிறார். மேலும், பாடல்களை யார் எழுதவுள்ளார் என்பது தெரியாமலே இருந்தது.

தற்போது பாடலாசிரியர் விவேக் “ ‘சர்கார்’ படத்தின் அனைத்துப் பாடல்களையும் எழுதப்போகிறேன். ஏ.ஆர்.ரஹ்மான் சார் போன்ற மாஸ்டர்களிடமிருந்து கற்றுக் கொள்ள நான் ஆசிர்வதிக்கப்பட்டவன். உறுதுணையாக இருக்கும் விஜய் சாருக்கு நன்றி. ஏ.ஆர்.முருகதாஸ் சார் வலுவான கதைக்களத்தில் பணிபுரிவதில் மகிழ்ச்சி. சன் பிக்சர்ஸ் நிறுவனத்துக்கு நன்றி” என்று தனது ட்விட்டர் பக்கத்தில் தெரிவித்திருக்கிறார்.

முன்பாக, ‘மெர்சல்’ படத்தின் அனைத்துப் பாடல்களிலும் ஏ.ஆர்.ரஹ்மான் - விவேக் இணைந்து பணிபுரிந்தது குறிப்பிடத்தக்கது. விரைவில், ‘சர்கார்’ படத்துக்காக அமெரிக்காவிற்குச் செல்ல படக்குழு திட்டமிட்டு வருகிறது.