சென்னை: அல்போன்ஸ் புத்திரன் இயக்கிய ‘பிரேமம்’ படம் மூலம் அறிமுகமான நடிகைகளில் ஒருவர் அனுபமா பரமேஸ்வரன். தனுஷ் நடித்த ‘கொடி’ மூலம் தமிழுக்கு வந்த இவர், இப்போது தமிழ், தெலுங்கு, மலையாளப் படங்களில் நடித்து வருகிறார்.
கடந்த மாதம் இவர் நடித்து தெலுங்கில் வெளியான ‘தில்லு ஸ்கொயர்’ வரவேற்பைப் பெற்றது. அதில் இவர் நடிப்பு பாராட்டப்பட்டது. அதைத்தொடர்ந்து ‘சினிமா பன்டி’ இயக்குநர் பிரவீன் இயக்கும் ‘பரதா' என்ற தெலுங்கு படத்தில் நடிக்கும் அவர், தமிழில் மாரி செல்வராஜ் இயக்கும் ‘பைசன் காளமாடன்’ படத்தில் நாயகியாக நடிக்கிறார்.
இதையடுத்து அவர் நடிக்கும் படத்துக்கு ‘லாக்டவுன்’ என்று பெயரிடப்பட்டுள்ளது. லைகா நிறுவனம் தயாரிக்கும் இதை அறிமுக இயக்குநர் ஏ.ஆர். ஜீவா இயக்குகிறார். ரகுநந்தன், சித்தார்த் விபின் இசையமைக்கின்றனர். சக்திவேல் ஒளிப்பதிவு செய்கிறார்.
» ஆஸ்திரேலியாவை தொடர்ந்து இந்தியாவில் பிஏஎஸ்எஃப் நிறுவன பூச்சிக்கொல்லி மருந்து அறிமுகம்
» ஈரோடு அருகே சாலையில் வேன் கவிழ்ந்தது - ரூ.666 கோடி தங்கம் மீட்பு