பாம்பன் அப்டேட்: சரத்குமாருடன் முக்கிய கதாபாத்திரத்தில் நடிக்க வரலெட்சுமி ஒப்பந்தம்

'பாம்பன்' படத்தில் சரத்குமாருடன் முக்கிய கதாபாத்திரத்தில் நடிக்க வரலெட்சுமி சரத்குமார் ஒப்பந்தம் செய்யப்பட்டு இருக்கிறார்.

ஏ.வெங்கடேஷ் இயக்கத்தில் சரத்குமார் நடிப்பில் உருவாகி வரும் படம் 'பாம்பன்'. பிப்ரவரி 23-ம் தேதி முதல் இப்படத்தின் படப்பிடிப்பு தொடங்கவுள்ளது. இதில் முக்கிய கதாபாத்திரத்தில் நடிக்க வரலெட்சுமி சரத்குமார் ஒப்பந்தம் செய்யப்பட்டுள்ளார்.

சரத்குமாருடன் அவர் நடிக்கும் முதல் படம் இது. வழக்கமான கதாபாத்திரம் போல் இல்லாமல், பல்வேறு ரிஸ்க்கான சண்டைக்காட்சிகளில் நடிக்கவுள்ளார் வரலெட்சுமி சரத்குமார்.

ராஜேந்திரன், கஞ்சா கருப்பு, கோட்டா சீனிவாச ராவ், இமான் அண்ணாச்சி, வின்சென்ட் அசோகன், இளவரசு மற்றும் ரித்விகா ஆகியோரும் இப்படத்தில் நடிக்க ஒப்பந்தம் செய்யப்பட்டுள்ளார்கள்.