பலே பாலா! - நாச்சியார் படத்துக்கு வைரமுத்து பாராட்டு

பாலா இயக்கத்தில் வெளியாகியுள்ள 'நாச்சியார்' படத்துக்கு கவிஞர் வைரமுத்து பாராட்டு தெரிவித்திருக்கிறார்.

பாலா இயக்கத்தில் ஜோதிகா, ஜி.வி.பிரகாஷ், இவானா நடிப்பில் வெளியாகவுள்ள படம் 'நாச்சியார்'. பி ஸ்டூடியோஸ் மற்றும் ஈயான் ஸ்டூடியோஸ் இணைந்து தயாரித்துள்ள இப்படத்துக்கு விமர்சன ரீதியிலும், வசூல் ரீதியிலும் ஆதரவு பெருகிவருகிறது.

இந்நிலையில் 'நாச்சியார்' பார்த்துவிட்டு கவிஞர் வைரமுத்து தனது ட்விட்டர் பக்கத்தில் கூறியிருப்பதாவது:

நாச்சியார் பார்த்தேன். கலையின் நிகழ் நீரோட்டத்தில் நிற்கிறீர்கள்; பலே பாலா! ஜோதிகாவின் நிமிர்ந்த நன்னடையும் நேர்கொண்ட பார்வையும் காக்கிக்கே ஒரு கர்வம். நீங்கள் தொடர்ந்து கலையில் இயங்க வேண்டும் சகோதரி. தம்பி ஜீ.வி! உன் ஜீவிதத்தில் ஒரு படம் இது; பாராட்டுகிறேன்.

ஒளிப்பதிவு செய்த ஈஸ்வர்! வெள்ளைக்காரக் கண்களோடு பிறந்த தமிழனப்பா நீ! படக்குழுவுக்கு என் வாழ்த்துக்கள்.

இவ்வாறு அவர் தெரிவித்திருக்கிறார்.