ஜனவரி 26 முதல் அரசியல் பயணம் தொடக்கம்: கமல் அறிவிப்பு

ஜனவரி 26 முதல் தமிழகம் முழுவதும் அரசியல் பயணம் செய்யவுள்ளதாக கமல்ஹாசன் தெரிவித்திருக்கிறார்.

ரஜினிக்கு முன்பாகவே கமல்ஹாசன் தனது அரசியல் நிலைப்பாட்டை அறிவிப்பார் என எதிர்பார்க்கப்பட்டது. ஆனால், அவ்வப்போது ட்விட்டர் தளத்தில் தனது கருத்துக்களைத் தெரிவித்து வந்தாலும், முழுமையான அரசியல் நகர்வு குறித்து கமல் எதையும் இதுவரை தெரிவிக்கவில்லை.

இந்நிலையில், ஜனவரி 13-ம் தேதி நடந்த விகடன் விருது வழங்கும் விழாவில் கலந்து கொண்டார் கமல். அப்போது தனது அரசியல் நிலைப்பாடு குறித்து "நான் களத்தில் இறங்கவில்லை என்ற சின்ன குற்றச்சாட்டு இருந்தது. ஜனவரி 26-ம் தேதி முதல் மக்களை சந்திக்கும் என்னுடைய பயணம் தொடங்கும்" என்று தெரிவித்திருக்கிறார் கமல்.

தமிழகம் முழுவதும் சுற்றுப்பயணம் மேற்கொள்ள திட்டமிட்டுள்ள நிலையில், எந்த மாவட்டத்திற்கு எப்போது என்ற தகவலை விரைவில் வெளியிடவுள்ளதாகவும் கூறியிருக்கிறார்.

கமலின் இந்த அறிவிப்பு அரசியல் வட்டாரத்தில் பெரும் எதிர்பார்ப்பை உண்டாக்கி இருக்கிறது.