பிப்ரவரில் கரு வெளியீடு: லைகா நிறுவனம் திட்டம்

விஜய் இயக்கத்தில் உருவாகியுள்ள 'கரு' படத்தை பிப்ரவரி மாதத்தில் வெளியிட லைகா நிறுவனம் திட்டமிட்டு இருக்கிறது.

'வனமகன்' படத்தைத் தொடர்ந்து 'கரு' என்ற படத்தை இயக்கி வந்தார் இயக்குநர் விஜய். சாய் பல்லவி, நாக ஷவுர்யா, ஆர்.ஜே.பாலாஜி உள்ளிட்ட பலரும் நடித்துள்ள இப்படத்தை லைகா நிறுவனம் தயாரித்திருக்கிறது. நீரவ்ஷா ஒளிப்பதிவு செய்திருக்கிறார்.

இரண்டு கட்டமாக மொத்த படத்தையும் முடித்துவிட்டார் இயக்குநர் விஜய். தற்போது அதன் இறுதிகட்ட பணிகள் அனைத்தையும் முடித்துவிட்டு, பிரபுதேவா நாயகனாக நடிக்கும் புதிய படத்தை இயக்கி வருகிறார்.

இந்நிலையில், '2.0' வெளியீடு ஏப்ரல் மாதத்திற்கு தள்ளிவைக்கப்பட்டு இருப்பதால் 'கரு' படத்தை பிப்ரவரியில் வெளியிட லைகா நிறுவனம் திட்டமிட்டு இருக்கிறது.