இசை குருநாதர் இனி இல்லை: ஆதித்யன் மறைவு குறித்து இமான் உருக்கம்

எனது இசை குருநாதர் இனி இல்லை என்று ஆதித்யன் மறைவுக்கு இமான் வேதனை தெரிவித்திருக்கிறார்.

இசையமைப்பாளர் ஆதித்யன் ஹைதராபாத்தில் நேற்று (டிசம்பர் 5) காலமானார். அவருக்கு வயது 63. அவரிடம் பணிபுரிந்தவர்தான் இசையமைப்பாளர் இமான்.

தற்போது முன்னணி இசையமைப்பாளராக வலம் வரும் இமான், ஆதித்யன் மறைவு குறித்து ட்விட்டர் பக்கத்தில் கூறியிருப்பதாவது:

எனது இசை குருநாதர் இனி இல்லை என்பதை என்னால் ஜீரணிக்க முடியவில்லை. என் ஆரம்ப நாட்களில் கீபோர்டு புரோகிராமராக என்னை ஊக்குவித்தவர்களில் ஓர் ஆளுமை அவர். அவர் இனி இல்லை என்ற யதார்த்தத்தை எதிர்கொள்வது இதயத்தைக் கனக்கச் செய்கிறது. ஏராளமான நினைவுகளை நேயத்துடன் சுமக்கிறேன்.

இவ்வாறு இமான் தெரிவித்திருக்கிறார்.