சீனுராமசாமி இயக்கத்தில் உதயநிதி: ஜன.19-ல் படப்பிடிப்பு தொடக்கம்

சீனுராமசாமி இயக்கத்தில் உதயநிதி ஸ்டாலின் நடிக்க புதிய படமொன்று தொடங்கப்பட்டுள்ளது.

ப்ரியதர்ஷன் இயக்கத்தில் உருவாகியுள்ள 'நிமிர்' படத்தின் பணிகளை முடித்துவிட்டார் உதயநிதி ஸ்டாலின். ஜனவரியில் வெளியிடலாம் என்று படக்குழு முடிவு செய்திருக்கிறது.

அதனைத் தொடர்ந்து தனது அடுத்த படத்துக்காக பல்வேறு இயக்குநர்களிடம் கதை கேட்டு வந்தார். அதில் இயக்குநர் சீனுராமசாமி கூறிய கதை பிடித்துவிடவே அப்படத்தில் ஒப்பந்தமாகியுள்ளார். இதில் நாயகனாக நடித்து, தயாரிக்கவுள்ளார் உதயநிதி ஸ்டாலின். இதற்கான அறிவிப்பை தனது ட்விட்டர் பக்கத்தில் அறிவித்திருக்கிறார் உதயநிதி.

ஜனவரி 19-ம் தேதி முதல் படப்பிடிப்பு தொடங்கவுள்ளதாகவும் அறிவித்திருக்கிறது படக்குழு. இப்படத்தின் நாயகி மற்றும் நடிகர் - நடிகைகள் தேர்வு மும்முரமாக தொடங்கப்பட்டுள்ளது.