ரஞ்சித்தின் நியாயமான ஆசைகள் நிறைவேறும் நாட்கள் வெகு தூரத்தில் இல்லை: இயக்குநர் சுசீந்திரன்

ரஞ்சித்தின் நியாயமான ஆசைகள் நிறைவேறும் நாட்கள் வெகு தூரத்தில் இல்லை என்று இயக்குநர் சுசீந்திரன் தெரிவித்திருக்கிறார்.

'அட்டகத்தி', 'மெட்ராஸ்' மற்றும் 'கபாலி' உள்ளிட்ட படங்களை இயக்கியவர் பா.ரஞ்சித். தற்போது மீண்டும் ரஜினி நடித்து வரும் 'காலா' படத்தை இயக்கி வருகிறார். இன்று (டிசம்பர் 8) தனது பிறந்த நாளைக் கொண்டாடி வருகிறார் பா.ரஞ்சித்.

பா.ரஞ்சித்துக்கு விடுத்துள்ள பிறந்த நாள் வாழ்த்தில் இயக்குநர் சுசீந்திரன் கூறியிருப்பதாவது:

சகமனிதனை நேசிப்பவன் அரிதாகிவிட்ட இந்த காலத்தில் சகமனிதனை நேசித்து அவனுடைய உரிமைக்காக குரல் கொடுக்கும் ரஞ்சித்தின் நியாயமான ஆசைகள் நிறைவேறும் நாட்கள் வெகு தூரத்தில் இல்லை. பிறந்த நாள் வாழ்த்துகள் ரஞ்சித்.

இவ்வாறு அவர் தெரிவித்திருக்கிறார்.