ரொம்ப அழுத்தமான பதிவு: அறம் படத்துக்கு சிவகார்த்திகேயன் பாராட்டு

ரொம்ப அழுத்தமாக பதிவு செய்திருக்கிறார்கள் என 'அறம்' படக்குழுவுக்கு சிவகார்த்திகேயன் வாழ்த்து தெரிவித்திருக்கிறார்

கோபி நயினார் இயக்கத்தில் நயன்தாரா நடிப்பில் வெளியாகியுள்ள படம் 'அறம்'. கே.ஜே.ஆர் ஸ்டூடியோஸ் நிறுவனம் தயாரித்திருக்கும் இப்படத்தை ட்ரைடண்ட் ஆர்ட்ஸ் நிறுவனம் வெளியிட்டு இருக்கிறது.

விமர்சன ரீதியாக இப்படத்துக்கு பெரும் வரவேற்பு கிடைத்திருக்கிறது. பல்வேறு திரையுலக பிரபலங்களும் இப்படக்குழுவுக்கு பாராட்டு தெரிவித்து வருகிறார்கள்.

'அறம்' குறித்து சிவகார்த்திகேயன் பேசியிருப்பதாவது:

செய்தியாக மட்டுமே கடந்து வந்ததை ரொம்ப அழுத்தமாக பதிவு செய்திருக்கிறார்கள். படமாக பார்க்கும் போது இவ்வளவு பெரிய பிரச்சினையா என்பதை உணர முடிகிறது. குழந்தையின் மூலமாக சொல்லும் போது, அதன் வலி இன்னும் அதிகமாக இருக்கிறது.

இயக்குநர் கோபி நயினாருக்கு வாழ்த்துகள். பொழுதுபோக்கு அம்சம் என்பதே இப்படத்தில் கிடையாது. என்ன நடக்கிறதோ, அதை அப்படியே படமாக எடுத்திருக்கிறார்கள். கலெக்டர் கதாபாத்திரம் ஏற்று நடித்திருக்கும் நயன்தாராவுக்கும் வாழ்த்துகள்

இவ்வாறு சிவகார்த்திகேயன் தெரிவித்திருக்கிறார்.