டிராபிக் ராமசாமி படத்தில் கவுரவ தோற்றத்தில் விஜய் ஆண்டனி

இயக்குநர் எஸ்.ஏ.சி நடிப்பில் உருவாகி வரும் 'டிராபிக் ராமசாமி' படத்தில் கவுரவ தோற்றத்தில் நடிக்கவுள்ளார் விஜய் ஆண்டனி.

சமூக ஆர்வலர் டிராபிக் ராமசாமி வாழ்க்கையைக் கருவாக கொண்டு 'டிராபிக் ராமசாமி' என்ற பெயரிலேயே புதிய படமொன்றை உருவாக்கி வருகிறார். இதில் டிராபிக் ராமசாமியாக இயக்குநர் எஸ்.ஏ.சி நடித்து வருகிறார். அவருக்கு மனைவியாக ரோகிணி நடித்துள்ளார்.

விஜய் விக்ரம் இயக்கி வரும் இப்படத்தில் ஆர்.கே.சுரேஷ், உபாஷனா, அம்பிகா, லிவிங்ஸ்டன், இமான் அண்ணாச்சி உள்ளிட்ட பலர் நடித்து வருகிறார்கள். இதில் முக்கியமான கவுரவ தோற்றத்தில் விஜய் ஆண்டனி நடிக்க ஒப்பந்தம் செய்யப்பட்டுள்ளார். அநியாயங்களை தட்டிக் கேட்கும் சமூக அக்கறை உள்ள இளைஞனாக ஒரு திரைப்பட நடிகராகவே நடிக்கிறார்.

'டிராபிக் ராமசாமி' படத்தை ஈரோடு மோகன் பெரும் பொருட்செலவில் தயாரித்து வருகிறார்.