விஸ்வரூபம் 2 வெளியீடு எப்போது? - படக்குழுவினர் விளக்கம்

கமல் இயக்கி, நடித்து வரும் 'விஸ்வரூபம் 2' படத்தின் வெளியீடு எப்போது என்பதற்கு படக்குழுவினர் விளக்கம் அளித்தனர்.

'விஸ்வரூபம் 2' படத்தின் இறுதிக்கட்டப் படப்பிடிப்பு மும்முரமாக நடைபெற்று வருகிறது. சமீபத்தில் இப்படத்தின் இதர காட்சிகள் படப்பிடிப்பு சென்னையில் நடைபெற்றது. கமலின் பிறந்தநாளான நவம்பர் 7-ம் தேதி, 'விஸ்வரூபம் 2' ட்ரெய்லர் வெளியாகும் என தகவல் வெளியானது.

நவம்பர் 7-ம் தேதி 'விஸ்வரூபம் 2' ட்ரெய்லர் வெளியாகாத பட்சத்தில், படக்குழுவிடம் விசாரித்த போது அவர்கள் கூறியதாவது:

'விஸ்வரூபம் 2' படத்தைப் பொறுத்தவரை இன்னும் ஒரு வாரம் படப்பிடிப்பு இருக்கிறது. இறுதிக்கட்டப் பணிகள் மும்முரமாகவும் மறுபுறம் நடைபெறுகிறது. இந்தாண்டு இறுதிக்குள் ஒட்டுமொத்த பணிகளையும் முடிக்க வேண்டும் என்று கமல் சார் நினைத்துள்ளார்.

ஜனவரியில் 'விஸ்வரூபம் 2' படத்தை வெளியிட கமல் சார் திட்டமிட்டுள்ளார். '2.0' ஜனவரியில் வெளிவந்தால், ஏப்ரலில் 'விஸ்வரூபம் 2' வெளியாகும். '2.0' ஏப்ரல் வெளியீட்டிற்கு தள்ளப்பட்டால், ஜனவரியில் 'விஸ்வரூபம் 2' வெளியாகும்.

முதல் பாகத்தை ஒப்பிடும் போது, 2-ம் பாகத்தில் அதிகமான கிராபிக்ஸ் பணிகள் இருக்கிறது. எவ்வித சமரசமுமின்றி கிராபிக்ஸ் காட்சிகள் இருக்க வேண்டும் என்பதில் கமல் சார் முனைப்போடு இருக்கிறார். ட்ரெய்லரைப் பொறுத்தவரை, முதலில் வெளியீடு தினம் திட்டமிட்ட பின்பே இருக்கும்

இவ்வாறு படக்குழு தெரிவித்தது.