நவம்பர் 30-ம் தேதி வெளியாகிறது கொடிவீரன்

சசிகுமார் நடிப்பில் தயாராகும் 'கொடிவீரன்' நவம்பர் 30-ம் தேதி வெளியாகும் என படக்குழு அறிவித்திருக்கிறது.

'கொடிவீரன்' படத்தின் படப்பிடிப்பு முழுமையாக முடிவுற்று, இறுதிக்கட்டப் பணிகள் தீவிரமாக நடைபெற்று வருகின்றன. அதன் தணிக்கையில் 'யு/ஏ' சான்றிதழ் கிடைக்கவே, நவம்பர் 30-ம் தேதி படம் வெளியாகும் என படக்குழு அதிகாரப்பூர்வமாக அறிவித்திருக்கிறது.

ஆயுதபூஜை வெளியீடு, தீபாவளி வெளியீடு என பலமுறை திட்டமிடப்பட்டு, படத்தின் பணிகள் முடிவடையாத காரணத்தால் தள்ளிவைக்கப்பட்டு வந்தது. தற்போது அனைத்து பணிகளுமே முடிவடைந்துவிட்டதால், பட வெளியீட்டை உறுதிப்படுத்தியிருக்கிறார்கள்.

முத்தையா இயக்கத்தில் சசிகுமார், மஹிமா நம்பியார், சனுஷா, விதார்த், பால சரவணன், பூர்ணா மற்றும் தயாரிப்பாளர் இந்தர்குமார் ஆகியோர் முக்கிய கதாபாத்திரங்களில் நடித்துள்ளார்கள். கதிர் ஒளிப்பதிவு செய்துள்ள இப்படத்துக்கு ரகுநந்தன் இசையமைப்பாளராக பணிபுரிந்துள்ளார். சசிகுமாரின் ’கம்பெனி புரொடக்‌ஷன்ஸ்’ நிறுவனம் இப்படத்தை தயாரிக்கிறது.