கொலவெறி பாடல் வெளியாகி 6 ஆண்டுகள் நிறைவு: அனிருத்துக்கு தனுஷ் வாழ்த்து

'கொலவெறி' பாடல் வெளியாகி 6 ஆண்டுகள் ஆனதை முன்வைத்து அனிருத்துக்கு வாழ்த்து தெரிவித்திருக்கிறார் தனுஷ்.

ஐஸ்வர்யா தனுஷ் இயக்கத்தில் தனுஷ், ஸ்ருதிஹாசன் நடிப்பில் வெளியான படம் '3'. இப்படத்தின் மூலமாக இசையமைப்பாளராக அறிமுகமானார் அனிருத். இதில் இடம்பெற்ற 'கொலவெறி' பாடல் உலகம் முழுவதும் பிரபலமானது.

'கொலவெறி' அளவுக்கு இந்தியத் திரையுலகில் இதுவரை எந்ததொரு பாடலும் வெற்றியடையவில்லை. முதலில் அதிகாரபூர்வமற்று வெளியான பாடலுக்கே நல்ல வரவேற்பு கிடைத்தது. அதனைத் தொடர்ந்து அதிகாரபூர்வமாகவே வெளியிட்டது படக்குழு.

இன்று(நவம்பர் 16) 'கொலவெறி' பாடல் வெளியாகி 6 வருடங்கள் ஆகிறது. இதற்கு வாழ்த்து தெரிவித்து தனுஷ் தனது ட்விட்டர் பக்கத்தில் கூறியிருப்பதாவது:

கொலவெறி பாடல் வெளியிடப்பட்டு 6 ஆண்டுகள் ஆகின்றன. அப்படியென்றால் அனிருத் இசையமைப்புக்கும் 6 ஆண்டுகள் ஆகிவிட்டது. வாழ்த்துகள் அனிருத். இன்னும் நிறைய வெற்றிகள் கிட்டும். ஆனாலும், அந்தப் பாடல் நமக்கு அமைந்ததில் எனக்கு மிகுந்த மகிழ்ச்சி. மீண்டும் அதற்காக நன்றி தெரிவித்துக் கொள்கிறேன்.

இவ்வாறு தனுஷ் தெரிவித்திருக்கிறார்.

நீண்ட நாட்கள் கழித்து தனுஷ், அனிருத்துக்கு வாழ்த்து தெரிவித்திருப்பதால் மீண்டும் இருவரும் இணைந்து பணிபுரிவார்கள் என தெரிகிறது.