சிவாஜிகணேசன் நம் மண்ணில் பிறந்தது நாம் செய்த புண்ணியம்: நடிகர் சிவகுமார்

’நடிகர் சிவாஜிகணேசன் நம் மண்ணில் பிறந்தது நாம் செய்த புண்ணியம்’ என்று நடிகர் சிவகுமார் தெரிவித்துள்ளார்.

திருவள்ளூர் ஜெ.என்.சாலையில் புதிதாக அமைக்கப்பட்டுள்ள தனியார் துணிக்கடை ஒன்றின் திறப்பு விழா நேற்று நடந்தது. அதில் பங்கேற்க வந்த நடிகர் சிவகுமார் செய்தியாளர்களிடம் தெரிவித்ததாவது:

உலக அளவில் புகழ்பெற்ற நடிகர் சிவாஜிகணேசனுக்கு மணிமண்டபம் கட்டாமல், வேறு யாருக்கு மணிமண்டபம் கட்டுவது? மாபெரும் கலைஞனான சிவாஜி இந்த மண்ணில் பிறந்தது அவர் செய்த பாவம். அவர் இந்த மண்ணில் பிறந்தது நாம் செய்த புண்ணியம். கிறிஸ்துவுக்கு முன் கிறிஸ்துவுக்கு பின் என கூறுவது போல், திரை உலகினர் சிவாஜிக்கு முன், சிவாஜிக்கு பின் என்று சொல்ல வேண்டும். இவ்வாறு அவர் தெரிவித்தார்.