கிறிஸ்துமஸ் விடுமுறைக்கு ஸ்கெட்ச் வெளியிட திட்டம்

விஜய் சந்தர் இயக்கத்தில் விக்ரம் நடித்திருக்கும் 'ஸ்கெட்ச்' படத்தை கிறிஸ்துமஸ் விடுமுறைக்கு வெளியிட படக்குழு திட்டமிட்டு இருக்கிறது.

'ஸ்கெட்ச்' படத்தின் படப்பிடிப்பு முடிவடைந்து, இறுதிகட்டப் பணிகள் தீவிரமாக நடைபெற்று வருகின்றன. தீபாவளி அன்று டீஸர் வெளியீடு, அதனைத் தொடர்ந்து இசை மற்றும் ட்ரெய்லர் வெளியீடு ஆகியவற்றின் மூலம் படத்தை விளம்பரப்படுத்த படக்குழு திட்டமிட்டு இருக்கிறது.

தற்போது இப்படத்தை கிறிஸ்துமஸ் தின விடுமுறைக்கு வெளியிட முடிவு செய்திருக்கிறது படக்குழு. கிறிஸ்துமஸ் தின விடுமுறையிலிருந்து பொங்கல் வரை எந்தவொரு பெரிய நாயகர்கள் திரைப்படமும் வெளியீடு இருக்காது என்பது தான் இதற்கு காரணம் என்கிறார்கள்.

விஜய் சந்தர் இயக்கத்தில் விக்ரம், தமன்னா, ஸ்ரீப்ரியங்கா, ராதாரவி, வேல ராமமூர்த்தி, சூரி, ஸ்ரீமன் உள்ளிட்ட பலர் நடித்திருக்கிறார்கள். தமன் இசையமைப்பாளராக பணிபுரிந்து வரும் இப்படத்துக்கு சுகுமார் ஒளிப்பதிவு செய்திருக்கிறார்.