நவம்பர் 24-ம் தேதி வெளியாகிறது சத்யா

சிபிராஜ் நடிப்பில் உருவாகியுள்ள 'சத்யா', நவம்பர் 24-ம் தேதி வெளியாகும் என படக்குழு அதிகாரப்பூர்வமாக அறிவித்திருக்கிறது.

'சைத்தான்' படத்தின் மூலம் தமிழ் திரையுலகுக்கு இயக்குநராக அறிமுகமானவர் பிரதீப் கிருஷ்ணமூர்த்தி. அதனைத் தொடர்ந்து சிபிராஜ் தயாரிப்பில் உருவாகியுள்ள 'சத்யா' படத்தை இயக்கி இருக்கிறார். இப்படம் தெலுங்கில் புதுமுகங்கள் நடிப்பில் வெளியாகி பெரும் வரவேற்பைப் பெற்ற 'சனம்' படத்தின் தமிழ் ரீமேக்காகும்.

சிபிராஜ், ரம்யா நம்பீசன், வரலெட்சுமி சரத்குமார், சதீஷ் உள்ளிட்ட பலர் நடிப்பில் உருவாகியுள்ள இப்படத்தின் ஒட்டுமொத்த பணிகளும் முடிவுற்று, சரியான வெளியீட்டு தேதிக்காக காத்திருந்தது படக்குழு.

தொடர்ச்சியாக பல்வேறு படங்கள் வெளியாகி வந்ததால், தற்போது நவம்பர் 24-ம் தேதி வெளியீடு என்று அதிகாரப்பூர்வமாக அறிவித்திருக்கிறார்கள்.