கார்த்திக், கவுதம் கார்த்திக் கூட்டணியில் புதிய படம்: திரு இயக்குகிறார்

'தீராத விளையாட்டுப் பிள்ளை', 'சமர்', 'நான் சிகப்பு மனிதன்' ஆகிய படங்களை இயக்கிய திருவின் புதிய படத்தில் கார்த்திக், கவுதம் கார்த்திக் ஆகிய இருவரும் இணைந்து நடிக்கின்றனர்.

கவுதம் கார்த்திக் தன் தந்தையுடன் நடிக்கும் முதல் படம் இது. கார்த்திக் தற்போது விக்னேஷ் சிவன் இயக்கத்தில் சூர்யாவுடன் 'தானா சேர்ந்த கூட்டம்' படத்தில் நடித்து வருகிறார். இவர்களுடன் இரண்டு பிரபல கதாநாயகிகளும் மேலும் பல பிரபல நடிகர்களும் இப்படத்தில் நடிக்க உள்ளனர். திரு இப்படத்தை இயக்குகிறார்.

இப்படத்தின் தலைப்பு முடிவு செய்யப்பட்டு விரைவில் அறிவிக்கப்படும். மேலும் இப்படத்தின் தொழில் நுட்ப கலைஞர்கள் விவரங்களும் தெரிவிக்கப்படும் என்று படக்குழு சார்பில் தெரிவிக்கப்பட்டுள்ளது.

திரைப்படம், தொலைக்காட்சி மற்றும் இணையதள மீடியாக்களில் கால் பாதிக்கும் பாஃப்டா மீடியா ஒர்க்ஸ் இந்தியா என்ற புதிய மீடியா நிறுவனத்திற்காக கிரியேட்டிவ் என்டர்டெய்னர்ஸ் & டிஸ்ட்ரிபியூட்டர்ஸ் இத்திரைப்படத்தை தயாரிக்கிறது.