துல்கர் சல்மானின் ‘லக்கி பாஸ்கர்’ 4 நாட்களில் ரூ.55 கோடி வசூல்! 

சென்னை: துல்கர் சல்மான் நடித்துள்ள ‘லக்கி பாஸ்கர்’ திரைப்படம் உலக அளவில் 4 நாட்களில் ரூ.55 கோடி வசூலித்துள்ளதாக அறிவிக்கப்பட்டுள்ளது.

தெலுங்கு இயக்குநர் வெங்கி அட்லூரி இயக்கத்தில் துல்கர் சல்மான் நடித்துள்ள திரைப்படம் ‘லக்கி பாஸ்கர்’. இந்தப் படத்தை சித்தாரா என்டர்டெயின்மென்ட் நிறுவனம் தயாரித்துள்ளது. மீனாட்சி சவுத்ரி, ராம்கி உள்ளிட்ட பலர் நடித்துள்ள இந்தப் படத்துக்கு ஜி.வி.பிரகாஷ் இசையமைத்துள்ளார். தீபாவளியை முன்னிட்டு இந்தப் படம் கடந்த அக்டோபர் 31-ம் தேதி திரையரங்குகளில் வெளியானது. பத்திரிகையாளருக்கான சிறப்பு காட்சிகளிலேயே படத்துக்கு நல்ல வரவேற்பு கிடைத்து.

தொடர்ந்து படம் மக்களிடையே வரவேற்பை பெற்றது. இதன் எதிரொலியாக ரூ.30 கோடி பட்ஜெட்டில் உருவானதாக கூறப்படும் இப்படம் உலக அளவில் 4 நாட்களில் ரூ.55.4 கோடியை வசூலித்துள்ளதாக அறிவிக்கப்பட்டுள்ளது. படத்துக்காக வரவேற்பு காரணமாக தமிழகத்தில் காட்சிகளின் எண்ணிக்கை அதிகரிக்கப்பட்டுள்ளது குறிப்பிடத்தக்கது.