ஸ்பைடர் மேன் 4 தலைப்பு அறிவிப்பு
சூப்பர் ஹீரோ கதையை கொண்ட ‘ஸ்பைடர் மேன்’ படங்களுக்கு உலகம் முழுவதும் ரசிகர்கள் உள்ளனர். இதுவரை 8 ஸ்பைடர் மேன் திரைப்படங்கள் வெளியாகி இருக்கின்றன. இதில் டாம் ஹாலண்ட் ஸ்பைடர் மேனாக நடித்து ‘ஸ்பைடர் மேன்: ஹோம் கமிங்' , ‘ஸ்பைடர் மேன்: ஃபார் ஃபிரம் ஹோம்’, ‘ஸ்பைடர் மேன்: நோ வே ஹோம்’ ஆகிய 3 படங்கள் வெளியாகியுள்ளன.
இதையடுத்து இப்போது அவர் நடிப்பில் நான்காவது படம் உருவாகிறது. இந்தப் படத்துக்கு 'ஸ்பைடர் மேன்: பிராண்ட் நியூ டே' என்று தலைப்பு வைக்கப்பட்டுள்ளது. இதை அமெரிக்காவின் லாஸ் வேகாஸில் நடந்த சினிமா கான் விழாவில், இயக்குநர் டெஸ்டின் டேனியல் கிரெட்டன் அறிவித்தார். கோடையில் இதன் படப்பிடிப்புத் தொடங்குகிறது. அடுத்த ஆண்டு ஜூலை 31-ல் வெளியாகும் என்றும் அறிவிக்கப்பட்டுள்ளது.