ஷாருக்கானின் ‘ஜவான்’ படத்தின் சிறப்புத் தோற்றத்தில் நடிக்க அல்லு அர்ஜுனை படத்தின் இயக்குநர் அட்லீ நாடியுள்ளதாக தகவல் வெளியாகியுள்ளது. இதற்கு அவர் ஒப்புக்கொள்ளும் பட்சத்தில் அல்லு அர்ஜுனின் முதல் இந்தி படமாக ‘ஜவான்’ இருக்கும்.
‘பதான்’ படத்தின் பாக்ஸ் ஆபிஸ் வெற்றியை சுவைத்துக் கொண்டிருக்கிறார் ஷாருக்கான். இந்தப் படத்தைத் தொடர்ந்து அவரது நடிப்பில் அட்லீ இயக்கத்தில் உருவாகும் படம் ‘ஜவான்’. நயன்தாரா நாயகியாக நடிக்கும் இப்படத்தில் வில்லன் கதாபாத்திரத்தை ஏற்று நடிக்கிறார் விஜய் சேதுபதி.
‘பதான்’ படத்தில் சிறப்புத் தோற்றத்தில் சல்மான் கானின் ஆக்ஷன் காட்சிகள் ரசிகர்களை வெகுவாக கவர்ந்தது. அந்த வகையில் பான் இந்தியா படமாக உருவாகும் ‘ஜவான்’ படத்தில் நடிக்க அல்லு அர்ஜுனை படத்தின் இயக்குநர் அட்லீ நாடியுள்ளதாக தகவல் வெளியாகியுள்ளது. அவரின் ஒப்புதலுக்கு அட்லீ காத்துக்கொண்டிருப்பதாக கூறப்படுகிறது.
ஒருவேளை படத்தில் நடிக்க அல்லு அர்ஜுன் ஒப்புக்கொள்ளும் பட்சத்தில் ‘ஜவான்’ அல்லு அர்ஜுனின் முதல் இந்திப் படமாக இருக்கும். மேலும், அல்லு அர்ஜூனின் ‘புஷ்பா’ பான் இந்தியா வெளியீடு என்ற முறையில் இந்தி பேசும் மாநிலங்களில் படத்திற்கான வரவேற்பு அமோகமாக இருந்தது.
ஏற்கெனவே ‘புஷ்பா’ மூலம் இந்தி ரசிகர்களின் மனதில் பதிந்துவிட்ட அல்லு அர்ஜுனை ‘ஜவான்’ படத்தில் சிறப்புத் தோற்றத்தில் நடிக்க வைக்கும் அட்லீயின் திட்டம் ரசிகர்களை மேலும் உற்சாகப்படுத்தியுள்ளது.