அபிஷேக் பச்சன், நித்யா மேனன் நடிக்கும் வெப்சீரிஸ் - ‘ப்ரீத்: இன் டூ தி ஷேடோஸ்’

அமேசான் ப்ரைமில் வெளியாகவுள்ள புதிய வெப் சீரிஸில் அபிஷேக் பச்சன், நித்யா மேனன் நடித்துள்ளனர். இதற்கு ‘ப்ரீத்: இன் டூ தி ஷேடோஸ்’ என்று பெயரிடப்பட்டுள்ளது.

டிஜிட்டல் தளத்தில் அபிஷேக் பச்சன், நித்யா மேனன் அறிமுகமாகும் புதிய வெப் சீரிஸ் ‘ப்ரீத்: இன் டூ தி ஷேடோஸ்’. இந்த தொடரை அபுன்டான்டியா எண்டெர்டெயின்மெண்ட் தயாரிக்கிறது. க்ரைம் த்ரில்லர் வகையை சேர்ந்த இத்தொடர் ஜூலை மாதம் 10ஆம் அமேசான் ப்ரைம் தளத்தில் வெளியாகவுள்ளது.

இது குறித்து அமேசான் ப்ரைமின் இந்தியத் தலைவர் அபர்ணா புரோஹித் கூறியுள்ளதாவது:

அபிஷேக் பச்சன், நித்யா மேனன் நடித்துள்ள ‘ப்ரீத்: இன் டூ தி ஷேடோஸ்’ என்ற புதிய தொடரை வெளியிடுவதில் மிகுந்த மகிழ்ச்சி அடைகிறோம். உலகம் முழுவதுமுள்ள எங்கள் வாடிக்கையாளர்களுக்கு சீட்டின் நுனியில் அமரவைக்கும் இந்த த்ரில்லர் தொடர் மிகவும் பிடிக்கும் என்று நம்புகிறோம்’

இவ்வாறு அவர் கூறியுள்ளார்.