மீண்டும் திரைப்படத்தில் இணையும் சித்தார்த் மல்ஹோத்ரா - பரினீதி சோப்ரா

சித்தார்த் மல்ஹோத்ரா, பரினீதி சோப்ரா இரண்டாவது முறையாக திரைப்படத்தில் மீண்டும் ஜோடி சேர உள்ளனர்.

இந்த ஜோடி இதற்கு முன்னர்  2014 ஆம் ஆண்டு வெளியாகிய ஹசி தோ ஃபசி என்ற வெற்றி திரைப்படத்தில் நடித்திருந்தனர். இந்த நிலையில் மீண்டும் 4 வருடங்களுக்கு பிறகு ஜோடி சேரவுள்ளனர்.

இந்தப் படத்துக்கு ஷூட்கன் ஷாதி  ( shotgun shaadi) என்ற தலைப்பிடப்பட்டுள்ளது. இப்படத்தை பாலாஜி புரோடக்‌ஷன் தயாரிக்க, இப்படத்தை அறிமுக இயக்குனர் பிரசாத் சிங் இயக்க இருக்கிறார்.

இந்தத் படத்துக்கான படப்பிடிப்பு ஆகஸ்ட் மாதம் தொடங்க உள்ளதாக நடிகர் சித்தார்த் மல்ஹோத்ரா தனியார் செய்தி இணையதளம் நடத்திய நேர்காணலில் தெரிவித்துள்ளார்.

இதுகுறித்து அவர் கூறும்போது, "ஷுட்கன் ஷாதி அடிப்படையில்  காதல் மற்றும் நகைச்சுவை கலந்த படம். கல்யாணத்தில் மாப்பிள்ளைகளை கடத்துவது பற்றி கதைக் களம். இது மிகவும் எனக்கு புதுமையானது” என்றார்.

முன்னதாக  கார்கில் போரில் மரணம் அடைந்த இந்திய ராணூவ வீரர் விக்ரம் பத்ரா வாழ்கை குறித்த படத்தில் சித்தார்த் நடிக்கிறார். இந்த படத்தை இயக்குனர் விஷ்ணு வர்தன் இயக்குகிறார்.