‘ஓடு... ஓடு...’ - வெளியானது ‘விடுதலை பாகம் 1’ மேக்கிங் வீடியோ

வெற்றிமாறன் இயக்கத்தில் மார்ச் 31-ம் தேதி திரையரங்குகளில் வெளியாக உள்ள ‘விடுதலை பாகம் 1’ படத்தின் மேக்கிங் வீடியோவை படக்குழு வெளியிட்டுள்ளது.

ஆர்.எஸ்.இன்ஃபோடெயின்மென்ட் எல்ரட் குமார் தயாரிப்பில் வெற்றிமாறன் இயக்கியுள்ள படம் ‘விடுதலை’. இரண்டு பாகங்களாக உருவாகும் இப்படத்தில் விஜய் சேதுபதி, சூரி முக்கியக் கதாபாத்திரத்தில் நடித்துள்ளனர். இவர்களைத் தவிர பவானி ஸ்ரீ, பிரகாஷ்ராஜ், கெளதம் வாசுதேவ் மேனன், ராஜீவ் மேனன், சேத்தன் மற்றும் பல முக்கிய நட்சத்திரங்கள் நடித்துள்ளனர். இளையராஜா இசையமைக்கும் இப்படத்திற்கு வேல்ராஜ் ஒளிப்பதிவு செய்துள்ளார். பீட்டர் ஹெய்ன் மாஸ்டர் சண்டைக் காட்சிகளை அமைத்து இருக்கிறார்.

அண்மையில் வெளியான படத்தின் ட்ரெய்லர் ரசிகர்களின் கவனத்தை ஈர்த்தது. தமிழகத்தில் ‘விடுதலை’ ரெட்ஜெயன்ட் நிறுவனம் வெளியிடுகிறது. படம் மார்ச் 31-ம் தேதி திரையரங்குகளில் வெளியாக உள்ள நிலையில் படத்தின் மேக்கிங் வீடியோ தற்போது வெளியாகியுள்ளது. மேக்கிங் வீடியோ: