நடிகர் சிலம்பரசன் மற்றும் கௌதம் கார்த்திக் நடிப்பில் உருவாகி உள்ள ‘பத்து தல’ திரைப்படத்தின் ட்ரெய்லர் வெளியாகி உள்ளது. சுமார் 2.16 நிமிடங்கள் ரன் டைம் கொண்டுள்ளது இந்த ட்ரெய்லர். இந்தப் படத்தில் சிலம்பரசன், ஏஜிஆர் எனும் கதாபாத்திரத்தில் நடித்துள்ளார். டீசரை பார்க்கும் போது அவரது பாத்திரம் ஆன்டி ஹீரோ என தெரிகிறது.
‘சில்லுனு ஒரு காதல்’, ‘நெடுஞ்சாலை’ படங்களின் மூலம் கவனம் ஈர்த்த ஓபிலி கிருஷ்ணா இயக்கத்தில் சிம்பு நடிக்கும் படம் ‘பத்து தல’. இந்தப்படத்தில் கௌதம் கார்த்திக், பிரியா பவானி சங்கர், டீஜய் அருணாசலம், கலையரசன், ரெடின் கிங்ஸ்லி ஆகியோர் நடித்துள்ளனர். ஸ்டூடியோ கிரீன்ஸ் மற்றும் பென் ஸ்டூடியோஸ் இணைந்து இந்தப் படத்தை தயாரித்துள்ளது. இசையமைப்பாளர் ஏ.ஆர்.ரஹ்மான் இசையமைத்துள்ள இப்படம் இம்மாத இறுதியில் வெளியாகும் என அறிவிக்கப்பட்டுள்ளது.
‘பத்து தல’ படத்தின் இசை வெளியீட்டு விழா இன்று சென்னையில் நடந்தது. தொடர்ந்து படத்தின் ட்ரெய்லர் வெளியாகியுள்ளது. கடந்த 2017-ம் ஆண்டு சிவராஜ்குமார் நடிப்பில் வெளியான ‘முஃப்டி’ படத்தின் கன்னட ரீமேக்கான இப்படம் மேக்கிங் ரீதியில் பிரமாண்டம் காட்டப்பட்டுள்ளது ட்ரெய்லரில் வெளிப்படுகிறது.
மணல் அள்ளும் மாபியா கூட்டத்தை அடிப்படையாக கொண்டு கதைக்களம் அமைக்கப்பட்டுள்ளது போல தெரிகிறது. இயக்குநர் கவுதம் வாசுதேவ் மேனன், கதையின் முக்கிய பாத்திரமான அரசியல் கட்சி தலைவராக நடித்துள்ளார்.
» “டி.ராஜேந்தர் எனக்கு மிகப்பெரிய இன்ஸ்பிரேஷன்” - ‘பத்து தல’ மேடையில் ஏ.ஆர் ரஹ்மான்
» ‘ஜான் விக்’ பட புகழ் ஹாலிவுட் நடிகர் லான்ஸ் ரெட்டிக் மரணம்
ட்ரெய்லரில் ஏ.ஆர்.ரஹ்மானின் பின்னணி இசை கவனம் ஈர்க்க வைக்கிறது. அதேபோல் பன்ச் வசனங்கள். ட்ரெய்லரின் தொடக்கத்தில் இருந்து இறுதிவரை பன்ச் டயலாக்கிற்கு பஞ்சமே இல்லை. சிம்புவின் ஆக்சன் காட்சிகளும் கவனிக்க வைக்கின்றன. ட்ரெய்லர் லிங்க்..