மார்ச் 8-ல் வெற்றிமாறனின் ‘விடுதலை’ ட்ரெய்லர் ரிலீஸ்

மார்ச் 8-ம் தேதி வெற்றிமாறனின் ‘விடுதலை’ படத்தின் இசை மற்றும் ட்ரெய்லர் வெளியாகும் என அதிகாரபூர்வமாக அறிவிக்கப்பட்டுள்ளது.

ஆர்.எஸ். இன்ஃபோடெயின்மென்ட் எல்ரட் குமார் தயாரிப்பில் வெற்றிமாறன் இயக்கும் படம் ‘விடுதலை’. இரண்டு பாகங்களாக உருவாகும் இப்படத்தில் விஜய் சேதுபதி, சூரி முக்கிய கதாபாத்திரத்தில் நடித்துள்ளனர். இவர்களைத் தவிர பவானி ஸ்ரீ, பிரகாஷ்ராஜ், கெளதம் வாசுதேவ் மேனன், ராஜீவ் மேனன், சேத்தன் மற்றும் பல முக்கிய நட்சத்திரங்கள் நடித்துள்ளனர். இளையராஜா இசையமைக்கும் இப்படத்திற்கு வேல்ராஜ் ஒளிப்பதிவு செய்துள்ளார்.

பீட்டர் ஹெய்ன் மாஸ்டர் சண்டைக் காட்சிகளை அமைத்து இருக்கிறார். 'விடுதலை' படத்தின் இரண்டு பாகங்களின் படப்பிடிப்பும் நிறைவடைந்துள்ளது. படத்தின் முதல் பாகம் வரும் மார்ச் 31-ம் தேதி திரையரங்குகளில் வெளியாகிறது. இந்நிலையில், படத்தின் ட்ரெய்லர் மற்றும் இசை வரும் மார்ச் 8-ம் தேதி வெளியாகும் எனத் தெரிவிக்கப்பட்டுள்ளது. படத்தை ரெட் ஜெயன்ட் நிறுவனம் வெளியிடுவது குறிப்பிடத்தக்கது.