அஜித் நடிக்கும் ‘துணிவு’ படத்தில் இடம்பெற்றுள்ள ‘சில்லா சில்லா’ பாடல் வரும் 9-ம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.
‘நேர்கொண்ட பார்வை’, ‘வலிமை’ படங்களுக்குப் பிறகு நடிகர் அஜித் - ஹெச்.வினோத் - போனி கபூர் கூட்டணி தற்போது ‘துணிவு’ படத்திற்காக மூன்றாவது முறையாக ஒன்று சேர்ந்துள்ளது. மஞ்சு வாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் ஆகியோர் முக்கிய கதாப்பாத்திரங்களில் நடிக்கின்றனர்.
இப்படத்தின் தமிழ்நாடு வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் பெற்றுள்ளது. சென்னை, ஹைதராபாத் ஆகிய இடங்களில் இதன் படப்பிடிப்பு நடந்தது. ஜிப்ரான் இசையமைத்துள்ள இப்படம் அடுத்த ஆண்டு பொங்கல் பண்டிகைக்கு வெளியாகும் என அறிவிக்கப்பட்டுள்ளது.
» ஒழுக்கம், ஆன்லைன் ஆப்களின் பாதிப்பு - மோகன் ஜியின் ‘பகாசூரன்’ ட்ரெய்லர் எப்படி?
» காதலரை கரம்பிடித்தார் ஹன்சிகா - கோட்டையில் கோலாகலமாக நடந்த திருமணம்
இந்நிலையில், ‘துணிவு’ படத்தில் இடம்பெற்றுள்ள ‘சில்லா சில்லா’ பாடல் வரும் 9-ம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.