சமந்தாவுக்கு ஹாலிவுட் ஸ்டன்ட் இயக்குநர் பாராட்டு

நடிகை சமந்தா, வரலக்ஷ்மி சரத்குமார், உன்னி முகுந்தன், ராவ் ரமேஷ், முரளி சர்மா, சம்பத் ராஜ் உட்பட பலர் நடித்துள்ள படம், ‘யசோதா’. ஸ்ரீதேவி மூவிஸ் சார்பில் தமிழ், தெலுங்கு, இந்தி உட்பட 5 மொழிகளில் 11-ம் தேதி இந்தப் படம் வெளியாகிறது.

படத்தை ஹரி-ஹரீஷ் இயக்கியுள்ளனர். வாடகைத் தாய் பிரச்னையை மையப்படுத்தி உருவாகியுள்ள இதில் சமந்தாவுக்கு சண்டைக் காட்சிகளும் இருக்கின்றன. ஹாலிவுட் ஸ்டன்ட் இயக்குநர் யானிக் பென், சமந்தாவுக்கு சண்டைப் பயிற்சி அளித்துள்ளார். சமந்தாவின் அர்ப்பணிப்பை பாராட்டியுள்ள அவர், சண்டைக் காட்சிகளில் சமந்தா பயிற்சி பெறும் வீடியோவையும் வெளியிட்டுள்ளார். அது வைரலாகி வருகிறது.