ஆக்‌ஷன், மசாலா, கமர்ஷியல் டூ 'கன்டென்ட்' - முகம் மாறும் தெலுங்கு சினிமா!

தென்னிந்திய சினிமாவில் தெலுங்கு படங்களுக்கென தனியான ஒரு டெம்ப்ளெட் உண்டு. தெலுங்கு சினிமாவின் ஒட்டுமொத்த முகத்தையும் பாலகிருஷ்ணாவின் படங்களை வைத்து அளவிட்டு விடலாம். அதீத மசலாக்களை தடவிய கமர்ஷியல், ஆக்‌ஷன் படைப்புகள்தான் அங்கே உருவாக்கி விற்கவும் செய்கின்றன. நீங்கள் நம்பாவிட்டாலும், பாலகிருஷ்ணா படங்களுக்கு தனி ரசிகர் பட்டாளமும், அவரது படங்கள் பாக்ஸ் ஆபிஸிலும் ஹிட் அடிக்கின்றன. இன்றைக்கும் கூட அப்படித்தான். அண்மையில் வெளியான அவரது, 'அகாண்டா' படம் ரூ.70 கோடியில் பட்ஜெட்டில் எடுக்கப்பட்டு, ரூ.150 கோடியை வசூலித்தது. மலையாள சினிமா உலகத்துக்கு அப்படியே நேர் எதிரானது தெலுங்கு சினிமா.