''ஒண்ணும் பயப்படாதே மாமா''- புற்றுநோயால் பாதிக்கப்பட்ட தவசிக்கு நம்பிக்கை விதைத்த விஜய் சேதுபதி: வைரலாகும் வீடியோ

Modified: 17 Nov, 20 07:50 pm

நடிகர் தவசியிடம் விஜய் சேதுபதி பேசிய வீடியோ பதிவு இணையத்தில் பெரும் வைரலாகப் பரவி வருகிறது.

'கிழக்கு சீமையிலேயே' படம் தொடங்கி 'அண்ணாத்த' வரை நடித்திருப்பவர் தவசி. சிவகார்த்திகேயன் நடிப்பில் வெளியான 'வருத்தப்படாத வாலிபர் சங்கம்' படத்தில் இவருடைய கதாபாத்திரம் மிகவும் பிரபலம். கடந்த சில மாதங்களுக்கு முன்பு புற்றுநோயால் பாதிக்கப்பட்டார்.

புற்றுநோயினால் இவரது உடல் மிகவும் உருகி, ஆளே அடையாளம் தெரியாதது போல் மாறிவிட்டார். தற்போதைய இவருடைய நிலை குறித்த பேட்டி, புகைப்படங்கள் அனைத்துமே இணையத்தில் வெளியாகின. விஜய் சேதுபதி, சிவகார்த்திகேயன், சூரி உள்ளிட்ட பல்வேறு முன்னணி நடிகர்களும் இவருக்கு உதவிகள் செய்துள்ளனர்.

இந்நிலையில், நடிகர் செளந்தர்ராஜாவை நேரில் அனுப்பி விஜய் சேதுபதி ரூ.1 லட்சம் உதவி செய்துள்ளார். அதனைத் தொடர்ந்து தவசியிடம் தொலைபேசியிலும் பேசியுள்ளார் விஜய் சேதுபதி. அந்த வீடியோ பதிவு இணையத்தில் வெளியாகியுள்ளது.