2024-ல் வசூல் அள்ளிய தென்னிந்திய திரைப்படங்கள் - ஓர் அலசல்

இந்தி சினிமா மட்டுமே இந்திய சினிமா என்ற நிலை கரோனா​வுக்கு பிறகு மொத்​தமாக மாறி​விட்​டது. அதற்கு முன் தென்னிந்தியா​வில் இருந்து ‘பாகுபலி’ போன்ற படங்கள் தங்கள் இருப்​பைக் காட்​டி​விட்டுப் போனாலும், கடந்த சில வருடங்​களாகத் தென்னிந்திய சினி​மா​வின் தாக்கம் இந்தியா முழு​வதும் பரவி​யிருக்​கிறது. அதன்படி 2024-ம் ஆண்டு பான் இந்தியா முறை​யில் வெளி​யாகி ரூ.100 கோடிக்கு மேல் வசூலித்த தென்னிந்திய திரைப்​படங்கள் இவை.

பிரேமலு, மகாராஜா: மலையாளத்​தில் உருவான ‘பிரேமலு’, இந்த வருடத்​தின் முதல் சூப்பர் ஹிட்டை தென்னிந்திய சினி​மாவுக்கு வழங்கிய திரைப்​படம். நஸ்லன், மமிதா பைஜு நடித்த இந்தப் படத்தை கிரிஷ் இயக்கி இருந்​தார். இன்றைய மென்​பொருள் யுகத்​துக் காதலை நகைச்​சுவை​யாக​வும் நையாண்​டி​யாக​வும் சொன்ன இந்தப் படம், மற்ற மொழிகளி​லும் வரவேற்​பைப் பெற்​றது. தமிழில் நித்​திலன் சாமிநாதன் இயக்​கத்​தில், விஜய் சேதுபதி நடித்த ‘மகாராஜா’, ஒரு படத்​துக்கு திரைக்​கதை​தான் ராஜா என்ப​தைக் கம்பீரமாக நிரூபித்த படம். தெரிந்த கதைதான் என்றாலும் ‘நான் லீனியர்’ ட்ரீட்​மென்ட்​டில் ரசிகர்​களின் மனதைக் கொள்ளை கொண்​டது. தமிழில் ரூ.200 கோடிக்கு மேல் வசூல் அள்ளிய ‘மகாராஜா’ மற்ற மொழி பார்​வை​யாளர்​களை​யும் ஈர்த்​தது.

மஞ்சும்மள் பாய்ஸ், தி கோட்: சர்வைவல் த்ரில்லர் படமாக உருவான மலையாள ‘மஞ்​சும்மள் பாய்ஸ்’, சந்தேகமே இல்லாமல் இந்த வருடத்​தின் பிளாக்​பஸ்டர் படங்​களில் ஒன்று. குணா குகை​யும் அதில் இடம்​பெற்ற பாடலும் இந்தப் படத்​துக்​குத் தமிழிலும் வசூலைக் கொட்​டிக் கொடுத்தது. தெலுங்​கிலும் அப்படியே. ரூ.20 கோடி​யில் உருவான இந்தப் படத்​தின் மொத்த வசூல், ரூ.250 கோடியை தாண்​டிய​தாகச் சொல்​கிறார்​கள்.

பொருளா​தாரக் குற்​றப்​பின்னணி​யில் தெலுங்​கில் உருவாகி வெளியான ‘லக்கி பாஸ்​கர்’, தென்னிந்திய சினி​மாவுக்கு அடுத்த ஜாக்​பாட்டை தந்த திரைப்​படம். 1992-ம் ஆண்டு நடந்த உண்மைச் சம்பவத்​தின் பின்னணி​யில் உருவான இதில் துல்கர் சல்மான், மீனாட்சி சவுத்ரி நடித்​திருந்​தனர். வெங்கி அட்லுரி இயக்கி​யிருந்​தார். வெங்கட் பிரபு இயக்​கத்​தில் விஜய் நடித்த ‘தி கோட்’, ரூ.465 கோடியை வசூலித்​த​தாகச் சொல்​கிறார்​கள். இதில் மூன்று தோற்​றத்​தில் வரும் விஜய், நெகட்​டிவ் கேரக்​டரிலும் நடித்​திருந்​தார்.

ஆடுஜீ​விதம், அமரன்: பிளஸ்சி இயக்​கத்​தில் பிருத்​விராஜ் நடித்த சர்வைவல் த்ரில்லர் படமான ‘ஆடுஜீ​விதம்’ பார்​வை​யாளர்​களுக்கு புதிய அனுபவத்​தைக் கொடுத்​தது. ரூ.150 கோடிக்​கும் மேல் வசூலித்த இந்தப் படத்​துக்கு ஏ.ஆர்​.ரஹ்​மான் இசை அமைத்திருந்தார். நாக் அஸ்வின் இயக்​கத்​தில் பிரபாஸ், அமிதாப்​பச்​சன், கமல்​ஹாசன், தீபிகா படுகோன் நடிப்​பில் மெகா பட்ஜெட்​டில் உருவான ‘ஃபியூச்​சரிஸ்​டிக்’ படமான ‘கல்கி 2898 ஏடி’, டெக்​னிக்​கலாக மிரட்​டியது. இது, இந்தியா முழு​வதும் ஆயிரம் கோடி ரூபாய்க்கு மேல் வசூலித்தது என்கிறார்​கள்.

சிவகார்த்தி​கேயன், சாய் பல்லவி நடித்த ‘அமரன்’, தமிழில் இந்த வருடம் அதிகம் பேசப்​பட்ட படம். வீரமரணமடைந்த மேஜர் முகுந்த் வரதராஜனின் வாழ்க்கை​யில் இருந்து எடுக்​கப்​பட்ட இந்தக் கதையை ராஜ்கு​மார் பெரியசாமி இயக்கியுள்ளார். இந்தப் படம் ரூ.350 கோடிக்கு மேல் வசூலித்து ஆச்சரியப்​படுத்தி இருக்​கிறது.

புஷ்பா 2, ‘தேவாரா 1: சுகு​மார் இயக்​கத்​தில் அல்லு அர்ஜுன், ராஷ்மிகா மந்தனா நடிப்​பில் வெளியான ‘புஷ்பா 2’ இந்த வருடம் இந்திய சினி​மா​வின் அதிகப்​பட்ச வசூலை அள்ளி இருக் கிறது. உலகம் முழு​வதும் 1700 கோடி ரூபாயைத் தாண்டி செல்​லும் அதன் வசூல் வேகம் இன்னும் நிற்​காமல் ஓடிக் கொண்டிருப்பது ஆச்சரி​யம்!

பான் இந்தியா முறை​யில் வெளியான ஜூனியர் என்.டி.ஆர், ஜான்வி கபூர் நடித்த ‘தேவாரா 1’ ரூ. 400 கோடி​யும் தெலுங்​கில் உருவான சூப்பர் ஹீரோ படமான ‘ஹனு-​மான்’ ரூ.300 கோடிக்கு மேலும் வசூல் ஈட்​டி​யுள்ள​தாகக் கூறப்​படு​கிறது. ரஜினி​யின் வேட்​டையன் ரூ.240 கோடி​யும், கமலின் இந்​தி​யன் 2, தனுஷின் ராயன், சுந்​தர். சி-​யின் அரண்மனை 4, மகேஷ்பாபு​வின் குண்​டூர்​காரம், ஃபஹத் ஃபாசில் நடித்த ஆவேஷம் ஆகிய படங்​கள் ரூ.100 கோடிக்​கும்​ அ​திக​மாக வசூலித்துள்ளன.