அறிவழகன் - ஆதி கூட்டணியின் ‘சப்தம்’ பட ரிலீஸ் தேதி முடிவு!

பிப்ரவரி 28-ம் தேதி ‘சப்தம்’ படம் வெளியாகும் எனப் படக்குழுவினர் அறிவித்துள்ளனர். அறிவழகன் இயக்கத்தில் ஆதி நடிப்பில் உருவாகியுள்ள படம் ‘சப்தம்’.

சத்தத்தை பின்னணியாக கொண்டு வித்தியாசமான முறையில் உருவாக்கப்பட்டுள்ள ஹாரர் படம் இதுவாகும். நீண்ட மாதங்களாக இறுதிகட்டப் பணிகள் நடைபெற்று வந்த இப்படம் பிப்ரவரி 28-ம் தேதி வெளியாகும் எனப் படக்குழுவினர் அதிகாரபூர்வமாக அறிவித்துள்ளனர்.

7ஜி சிவா தயாரித்துள்ள இப்படத்தில் சிம்ரன், லைலா, லட்சுமி மேனன், ரெடின் கிங்ஸ்லி உள்ளிட்ட பலர் ஆதியுடன் நடித்துள்ளனர். தமன் இசையமைப்பாளராகவும், அருண் பத்மநாபன் ஒளிப்பதிவாளராகவும் பணிபுரிந்துள்ளனர். டீஸர் மட்டுமே இதுவரை வெளியிட்டுள்ளது படக்குழு. விரைவில் அடுத்தக்கட்ட விளம்பரப்படுத்தும் பணிகளைத் தொடங்கவுள்ளது.

‘ஈரம்’ படத்தின் மாபெரும் வரவேற்புக்குப் பின், அறிவழகன் - ஆதி கூட்டணியில் ‘சப்தம்’ உருவாகியுள்ளது. இதனால் இப்படத்துக்கு பெரும் எதிர்பார்ப்பு உருவாகியுள்ளது.