‘நம்பிக்கை தந்தது விடுதலை 2’ - நடிகர் ஜெயவந்த் மகிழ்ச்சி

வெற்றி​மாறன் இயக்​கத்​தில் விஜய் சேதுபதி, மஞ்சு வாரியர், சூரி உட்பட பலர் நடித்த படம், ‘விடுதலை 2’. இதில் பண்ணை​யார் கதாபாத்​திரத்​தில் ஜெயவந்த் நடித்​திருந்​தார். இவர், ‘மத்திய சென்னை’, ‘காட்டுப்பய காளி’ ஆகிய படங்​களில் ஹீரோவாக நடித்​தவர். இந்தப் படத்​தில் நடித்த அனுபவம் பற்றி அவர் கூறிய​தாவது:

வெற்றி​மாறன் படத்​தில் நடிக்க வேண்​டும் என்ற ஆசை இருந்​தது. சின்ன கதாபாத்​திரத்​திலாவது நடிக்க வேண்​டும் என்று நினைத்​தேன். அதற்காக இருவருக்​கும் பொதுவான நண்பர் மூலம் முயற்சி செய்​து​கொண்​டிருந் தேன். அப்படித்​தான் இந்தப் பட வாய்ப்​புக் கிடைத்​தது. நெகட்​டிவ் கேரக்டர் என்றாலும் கதையில் எனக்​கும் முக்​கி​யத்துவம் இருந்​த​தில் மகிழ்ச்சி. வில்​லனாக நடிக்​கும்​போது ஒரு எல்லைக்​குள் நின்று நடிக்​காமல் வெவ்​வேறு விதமாக நம்மை வெளிப்​படுத்த முடி​யும். இந்தப் படத்துக்காக சோளக்​காட்​டில் நடக்​கும் ஆக்‌ஷன் காட்​சி​யில் நடிக்கச் சிரமப்​பட்​டேன். அதை 18 நாட்கள் படமாக்​கினார்​கள்.

வெற்றி​மாறன், விஜய் சேதுபதி ஆகியோரிடம் நடிப்​பின் நுணுக்​கங்​களைக் கற்றுக்​கொண்​டேன். இதில் என் நடிப்​பைப் பலர் பாராட்டு​கிறார்​கள். என் நடிப்​பின் மீது இப்போது நம்பிக்கை வந்திருக்​கிறது. இனி, ஹீரோ என்றில்​லாமல் சிறந்த கதாபாத்​திரங்​களில் நடிக்க முடிவு செய்​துள்ளேன். இவ்வாறு ஜெயவந்த் கூறினார்.