சூப்பர் சிங்கர் நிகழ்ச்சியில் 'சூப்பர் ஸ்டார் ஹிட்ஸ்' - ரஜினி கையெழுத்திட்ட கிடார் யாருக்கு?

விஜய் டிவியில், ஒளிபரப்பாகி வரும் நிகழ்ச்சி, சூப்பர் சிங்கர் ஜூனியர் சீசன் 10. சனி மற்றும் ஞாயிற்றுக் கிழமைகளில் மாலை 6.30 மணிக்கு ஒளிபரப்பாகும் இதில், 6 முதல் 15 வயதுக்குள்ளான குழந்தைகள், பாடும் திறனை வெளிப்படுத்தி வருகின்றனர். நடுவர்களாகப் பாடகர் மனோ, பாடகி சித்ரா, இசையமைப்பாளர் டி. இமான் ஆகியோர் உள்ளனர். வரும் 12-ம் தேதி நடிகர் ரஜினிகாந்த் பிறந்தநாளை முன்னிட்டு சிறப்பு நிகழ்ச்சி உருவாக்கப்பட்டுள்ளது.

அதன்படி 7, 8-ம் தேதிகளில் ஒளிபரப்பாகும் நிகழ்ச்சியில் 'சூப்பர் ஸ்டார் ஹிட்ஸ்' சுற்று இடம்பெறுகிறது. இதில் ரஜினியின் ஹிட் பாடல்களைத் தேர்வு செய்து பாடுகின்றனர். இதில் சிறப்பாகப் பாடும் ஒருவருக்கு ரஜினிகாந்த் கையெழுத்திட்ட கிடார் பரிசாக அளிக்கப்பட இருக்கிறது.