கேரள மாநிலம் வயநாட்டில் நடந்த நிலச்சரிவில் 3 கிராமங்கள் மண்ணுக்குள் புதைந்தன. இதில் 430-க்கும் மேற்பட்டோர் உயிரிழந்துள்ளனர். நிலச்சரிவில் இருந்து மீண்ட மக்களுக்கு உதவ கேரள முதல்வர் நிவாரண நிதிக்கு சினிமா பிரபலங்கள், தொழிலதிபர்கள் நன்கொடை அளித்து வருகின்றனர்.
நடிகர் விக்ரம், சூர்யா, கார்த்தி, ஜோதிகா, நயன்தாரா, விக்னேஷ் சிவன், ராஷ்மிகா மந்தனா, மோகன்லால் , அல்லு அர்ஜுன், சிரஞ்சீவி, ராம் சரண், மம்மூட்டி, துல்கர் சல்மான், ஃபஹத் ஃபாசில், பிரபாஸ் என பலர் நன்கொடை வழங்கியுள்ளனர். இந்நிலையில் நடிகர் தனுஷ் கேரள முதல்வர் நிவாரண நிதிக்கு ரூ.25 லட்சம் வழங்கியுள்ளார்.