ஒரே இரவில் நடக்கும் ’ரா..ரா.. சரசுக்கு ரா..ரா..’

சென்னை: லேடீஸ் ஹாஸ்டலை மையமாக வைத்து ‘ரா..ரா.. சரசுக்கு ரா..ரா..' என்ற படம் உருவாகி இருக்கிறது. ஸ்கை வாண்டர்ஸ் என்டர்டெயின்மென்ட் நிறுவனம் சார்பில்ஏ.ஜெயலட்சுமி தயாரித்துள்ளார். கேஷவ் தெபுர் இயக்கியுள்ளார். இவர், தமிழ், தெலுங்கு, மலையாளம் , கன்னடம் உட்பட பல்வேறு மொழிகளில் 350 திரைப்படங்களில் நடன இயக்குநராகப் பணியாற்றியவர். ஜி.கே.வி இசை அமைத்துள்ள இந்தப் படத்துக்கு ஆர்.ரமேஷ் ஒளிப்பதிவு செய்துள்ளார்.

கார்த்திக், காயத்ரி பட்டேல் , கே.பி.ஒய் பாலா, மாரி வினோத், காட்பாடி ராஜன், விஸ்வா,ரவிவர்மா, அபிஷேக், பெஞ்சமின் உட்பட பலர்நடித்துள்ளனர். லேடீஸ் ஹாஸ்டலுக்குள் நடக்கும்ஒரு கிரைம் தொடர்பான கதையைக் கொண்ட படம் இது. ஒரே இரவில் கதை நடக்கிறது என்று படக்குழு தெரிவித்துள்ளது. 9 வி ஸ்டுடியோஸ் வெளியிடும் இந்தப்படம் நவ. 3 ம் தேதி வெளியாகிறது.