நாட்டின் மொத்த விலை பணவீக்கம் ஏப்ரலில் -0.92 சதவீதமாக சரிவு

புதுடெல்லி: நாட்டின் வருடாந்திர மொத்த விலை அடிப்படையிலான பணவீக்கம் (டபிள்யுபிஐ) ஏப்ரல் மாதத்தில் -0.92% ஆக சரிந்துள்ளது.

கடந்த மார்ச் மாதத்தில் டபிள்யுபிஐ 1.34% ஆக இருந்தது. இதுஏப்ரல் மாதத்தில் -0.92% ஆக சரிந்துள்ளது. இதில், கடந்த மார்ச் மாதத்தில் 2.32% ஆக இருந்த உணவுப்பொருள் குறியீடு, ஏப்ரல்மாதத்தில் 0.17% குறைந்துள்ளது. இதுபோல எரிபொருள் மற்றும் மின் குறியீடு 8.96% லிருந்து 0.93% குறைந்துள்ளது.

கடந்த ஆண்டு மே மாதம் டபிள்யுபிஐ 20 ஆண்டுகளில் இல்லாத அளவுக்கு 16.63% ஆக இருந்தது. அதன் பிறகு கடந்த 11 மாதங்களாக தொடர்ந்து குறைந்து வருகிறது. கச்சா எண்ணெய், உணவுப்பொருள் உள்ளிட்டவற்றின் விலை தொடர்ந்து குறைந்ததே இதற்குக் காரணம் என கூறப்படுகிறது.