சென்னை: சென்னையில் ஆபரணத் தங்கத்தின் விலை இன்று (மே 3) சவரனுக்கு ரூ.728 அதிகரித்து, ரூ.45,648-க்கு விற்பனையாகிறது.
சர்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்டவற்றின் அடிப்படையில் தங்கம் விலை நிர்ணயிக்கப்படுகிறது. கடந்த மாதத்தில் அட்சய திருதியையை முன்னிட்டு தமிழகம் முழுவதும் நகைக் கடைகளில் ஏப்.22, 23 ஆகிய இரண்டு நாட்களாக தங்கம் விலை பவுனுக்கு ரூ.480 குறைந்து இருந்தது. இதனால் நகை வாங்குவோர் மகிழ்ச்சி அடைந்தனர். விற்பனையும் களைகட்டியது. அதனைத் தொடர்ந்து தங்கம் விலை ஏற்ற இறக்கம் கண்டுவந்தது. இந்த நிலையில், இன்று ஒரே நாளில் தங்கத்தின் விலை சவரனுக்கு ரூ.728 அதிகரித்துள்ளது.
சென்னையில் ஆபரணத் தங்கத்தின் விலை இன்று (புதன்கிழமை) கிராமுக்கு ரூ.91 உயர்ந்து ரூ.5,706-க்கு விற்பனையாகிறது. சவரனுக்கு ரூ.728 உயர்ந்து ரூ.45,648-க்கு விற்பனையாகிறது. 24 காரட் சுத்த தங்கத்தின் விலை 8 கிராம் ரூ.49,256-க்கு விற்பனையாகிறது. இதேபோல், ஒரு கிராம் வெள்ளி விலை ரூ.1.30 உயர்ந்து ரூ.81.80-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.81,800-ஆக இருக்கிறது.