தங்க நகைக் கடன்: வாங்குவது எளிது ஆனால்... கவனிக்க வேண்டிய முக்கிய அம்சங்கள்

வீட்டுக்கடன் என்றால் அதற்கு பத்திரம், இசி, மாத வருமானத்திற்கான சான்று, கடனுக்கு பொறுப்பான ஆவணம், கட்டிட அனுமதி இப்படி பல சான்றுகள் தேவை. இதனை ஆய்வு செய்து கடன் வழங்க பல நாட்கள் ஆகலாம். ஆனால் குறைந்த நேரத்தில் பணம் கிடைக்கும் கடன் நகைக்கடன். இதனால் பெரும்பாலான இந்திய நடுத்தர குடும்பத்தினர் பெரும்பாலும் நகைக்கடனையே முன்னுரிமையாக வைத்துள்ளனர்.

வங்கிகள் மற்றும் வங்கிசாரா நிதி நிறுவனங்களின் வழக்கமான வட்டி விகிதத்தில் இருந்து தங்க நகைக்கடனுக்கு வட்டி சற்றுக் குறைந்தது. அதேசமயம் எளிதாக கிடைக்கும் கடன் என்பதால் பலரும் தங்க நகைக் கடன்களை வாங்குகின்றனர்.