வருமான வரித் துறை அனுப்பும் நோட்டீஸ்களுக்கு என்ன அர்த்தம்? - ஒரு தெளிவுப் பார்வை

சில வகை பொருள்கள், விஷயங்கள் மீதான மக்களின் அச்சத்தை போஃபியா என்று அழைக்கிறது மருத்துவ உலகம். நடைமுறையில் இந்த போஃபியாவில் சேராத அச்சங்களும் உண்டு. இந்தியாவில் இன்று வழக்கொழிந்து போன தந்தி ஒரு காலத்தில் அச்சத்தின் பிரதிநிதியாகவே இருந்தது. தந்தி வந்தாலே அது துன்பத்தின் அறிவிப்பாக பார்க்கப்பட்டது. அதேபோல அச்சத்திற்குரிய விஷயங்களில் ஒன்றாக இருக்கிறது அரசு அலுவலகங்களில் இருந்து வரும் நோட்டீஸ்.

குறிப்பாக வருமான வரித் துறையிலிருந்து நோட்டீஸ் வந்திருக்கிறது என்றால் வரி செலுத்துபவர்களின் வயிற்றில் புளியை கரைத்து விடும். ஆனால் வருமான வரித் துறையில் இருந்து வரும் நோட்டீஸ் வெறும் விளக்கம் பெருவதற்கான கடிதம் மட்டுமே. அந்த நோட்டீஸை பார்த்து அச்சம் கொள்ளத் தேவை இல்லை.