பி.சி. திரிபாதி - இவரைத் தெரியுமா?

$ பொதுத்துறை நிறுவனமான கெயில் இந்தியா நிறுவனத்தின் தலைவர்.

$ அலகாபாத்தில் இருக்கும் என்.ஐ.டி. கல்லூரியில் மெக்கானிக்கல் இன்ஜினீயரிங் படித்தவர்.

$ படித்து முடித்து இரண்டு வருடம் ஓ.என்.ஜி.சி. நிறுவனத்தில் பணியாற்றினார். அதன் பிறகு கெயில் இந்தியா நிறுவனம் ஆரம்பித்த வருடத்தில் இருந்து அங்கு பணிபுரிகிறார்.

$ தன்னுடைய 49-வயதில் 2009-ம் ஆண்டு கெயில் இந்தியா நிறுவனத்தின் தலைவராக பொறுப்பேற்றுக்கொண்டார்.

$ வரும் ஜூலை 31-ம் தேதியுடன் இவரது பதவிக் காலம் முடிவடைகிறது. ஆனால் இவருக்கு மேலும் 5 ஆண்டுகள் பதவி நீட்டித்திருக்கிறது மத்திய அரசு. சமீப காலங்களில் மற்ற பொதுத்துறை நிறுவனத் தலைவர்களின் பதவிக் காலத்தை நீட்டிக்க மத்திய அரசு மறுத்துவிட்டது குறிப்பிடத்தக்கது.

$ Dahej-Vijaipur குழாய் திட்டத்தை தலைமை ஏற்று நடத்தினார். இந்த திட்டத்துக்கு சர்வதேச திட்ட மேலாண்மை சங்கம் விருது வழங்கியது.