ஏப்ரல்-ஜூலை பயணிகள் வாகன விற்பனை 63%, இருசக்கர வாகன விற்பனை 60.54% சரிவு

ஏப்ரல் - ஜூலை காலகட்டத்தில் பயணிகள் வாகன விற்பனை 63% சரிய, இருசக்கர வாகன விற்பனை 60.54% ஆக சரிவு கண்டுள்ளதாக இந்திய வாகன உற்பத்தியாளர்கள் கூட்டமைப்பு தெரிவித்துள்ளது.

ஜூலையில் மொத்த வாகனங்கள் விற்பனை 3.86% சரிவு கண்டு 1 லட்சத்து 82 ஆயிரத்து 779 ஆகக் குறைந்தது.

அதே போல் 2020 ஜூலையில் இருசக்கர வாகனங்களின் விற்பனை 15.24% குறைந்து 12,81,354 ஆகக் குறைந்தது. அதே போல் ஜூலை மாதத்தில் வாகன உற்பத்தியும் குறைந்தது. கடந்த ஆண்டை ஒப்பிடும் போது வாகன உற்பத்தி 29.36% குறைந்தன.

ஏப்ரல்-ஜூலை காலக்கட்டத்தில் பயணிகள் வாகன விற்பனை 63% சரிந்து 3 லட்சத்து 36 ஆயிரத்து 513 ஆகக் குறைந்தது. இருசக்கர வாகன விற்பனை 60.54% சரிவடைந்து 25 லட்சத்து 74 ஆயிரத்து 467 யூனிட்களாக உள்ளன.

ஆனால் இது தொடர்பாக வாகன உற்பத்தியாளர்கள் கூட்டமைப்பு நம்பிக்கையுடன் கூறும்போது, “ஜூலை மாதம் குறிப்பிடத்தகுந்த அளவில் முந்தைய மாதங்களை ஒப்பிடும் போது கொஞ்சம் பரவாயில்லை” என்று தெரிவித்துள்ளது.