தங்கம் விலை பவுனுக்கு ரூ.160 அதிகரிப்பு

சென்னை: சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது.

இந்நிலையில், தங்கம் விலை நேற்று அதிகரித்தது. கிராம் ஒன்றுக்கு ரூ.20 அதிகரித்து ரூ.6,470-க்கும், பவுனுக்கு ரூ.160அதிகரித்து ரூ.51,760-க்கும் விற்பனையானது. இதேபோல், 24 காரட் சுத்தத் தங்கத்தின் விலை ரூ.55,400-க்கு விற்பனை யாகிறது.

ஒரு கிராம் வெள்ளி ரூ.91-க்கு விற்பனையானது. ஒரு கிலோ பார் வெள்ளியின் விலை நேற்று ரூ.91,000 ஆக உள்ளது.