தங்கம் விலை பவுனுக்கு ரூ.120 குறைந்தது

சென்னை: தங்கம் விலை பவுனுக்கு ரூ.120 குறைந்துரூ.51,320-க்கு விற்பனையாகிறது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது.

இந்நிலையில், தங்கம் விலை நேற்று குறைந்தது. இதன்படி, கிராம் ஒன்றுக்கு ரூ.15 குறைந்து ரூ.6,415-க்கும், பவுனுக்கு ரூ.120 குறைந்து ரூ.51,320-க்கும் விற்பனையானது.

இதேபோல், 24 காரட் சுத்தத் தங்கத்தின் விலை ரூ.54,960-க்கு விற்பனையாகிறது. ஒரு கிராம் வெள்ளி ரூ.89-க்கு விற்பனையாகிறது. ஒரு கிலோ பார் வெள்ளியின் விலை நேற்று ரூ.89,000 ஆக இருந்தது.